Нема одговор на две клучни прашања во случајот со убиството на Данка Илиќ

Истрагата за убиството на двегодишното девојче Данка Илиќ од Бор привршува, а сѐ уште не се знае дали Вишото јавно обвинителство во Заечар собрало доволно докази против осомничените работници на ЈКП „Водовод“ од Бор, Срѓан Јанковиќ и Дејан Драгијевиќ.

Истрагата ја кочи и тоа што до ден-денес нема одговори на две прашања – каде е телото на детето и како е можно на местото на злосторството да не се пронајдени ДНК-траги на Данка.

Данка Илиќ исчезна на 26 март, а за нејзиното убиство беа уапсени работниците на ПУК „Водовод“. Осомничените се обвинети дека кобниот ден го удриле девојчето со службено возило, а потоа нејзиното тело го ставиле во автомобилот.

Според полицијата, девојчето во еден момент се освестило, а потоа еден од осомничените наводно ја убил Данка. Иако осомничените првин во полиција признале дека го сториле делото и детаљно објасниле што се случило, тие потоа во Обвинителството го повлекоа признанието тврдејќи дека биле принудени.

Токму овие околности ги доведоа во прашање доказите што досега ги прибра Обвинителството.

Како што неофицијално објави „Нова.рс“, истрагата за убиството на детето е при крај, речиси сите вештачења пристигнале во Вишото јавно обвинителство во Заечар, а се поставува прашањето дали ќе биде поведено обвинение против осомничените.

Дефинитивната истрага е отежната од фактот што сѐ уште нема одговори на две клучни прашања. Една од нив е каде е телото на Данка Илиќ и како е можно да не е пронајдено речиси пет месеци по исчезнувањето.

Досега е претресено цело Бањско Поле, села во околината на Бор, но не се појави ниедна трага што би означувала каде е телото на девојчето. Реонот се пребаруваше со денови, а по исчезнувањето на Данка, во Бањско Поле имаше стотина полицајци.

Депонијата, каде што наводно осомничените првин го скриле телото, била претресувана неколкупати, но не биле пронајдени траги што би укажале дека Данка навистина била таму.

Друго неодговорено прашање е како е можно да нема ДНК-траги од девојчето на местото на злосторството, односно во автомобилот што го возел осомничениот критичниот ден. Имено, досега се анализирани повеќе од 500 траги и на ниедна не е пронајден биолошки материјал од девојчето.

Биолошкиот материјал на девојчето е клучен за истрагата бидејќи недвосмислено би ги поврзал осомничените со местото на злосторството. Така, Обвинителството би имало цврст доказ дека детето е убиено во возилото.