Не постои снимка од Панче на бензинска во Велес - Завршни зборови за убиствата
Адвокатот на обвинетиот Боре Видевски, Бојан Манев, не успеа да ја обезбеди снимката од бензинската пумпа „Макпетрол“ во Велес, за која тврдеше дека го покажува убиениот Панче Жежовски на 22 ноември 2023 година околу пладне.
– Не го обезбедив поради немање технички можности. Не го најдов доказот, рече Манев за снимката на прашањето на судијата Ивица Стефановски.
Обвинителката пак на денешното рочиште рече: – Не постои видеозапис од бензинската „Макпетрол“, на кој се забележани обвинетите или оштетениот. Од таа причина по доставеното барање за доставување податоци, прибавен е и прегледан видеозаписот, но не е доставен како доказ, оти на него ги нема предметните лица.
Инаку, денеска во Основниот кривичен суд во Скопје со завршните зборови на јавните обвинителки Жаклина Крстевска Јосифовска и Ана Стојковиќ Димитровска почнува последната фаза од судењето за бруталните убиства на 14-годишната Вања Ѓоревска и 74-годишниот Панче Жежовски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
