Муцунски: Ние немаме потреба од полиција и обезбедување, вечерва ќе слушаме македонска музика

Градоначалникот на општина Аеродром, Тимчо Муцунски утрово на својата фејсбук страна објави фотографија направена во спортскиот центар „Јане Сандански“ на подготовка на вечерашниот концертот на дуото Некст Тајм.

-Ние немаме потреба од полиција и обезбедување. Вечерва во 20 часот ќе слушаме македонска музика, ќе зборуваме за патриотизам и ќе ги промовираме нашите традиционални песни и вредности, напиша Муцунски на фејсбук и најави дека денес со својот син Иан ќе ги присуствува на концертот.

Дел од фановите објавата ја поврзуваат и со денешниот настан на владејачката партија СДСМ за која медиумите објавуваат фотографии од засилено полициско обезбедување. Арената Борис Трајковски каде вечерва СДСМ треба да одржи партиски митинг е под силно полициско обезбедување во текот на целата ноќ за да може СДСМ денеска да го одржи партискиот собир без опасност тој да биде прекинат поради дојава за бомба.