Мицкоски: Криминалот е рак рана на нашето општество

Криминалот е рак рана на нашето општество и една од главните причини за одземањето на државата од народот. Никој не е над народот, законот и Уставот. Ќе има одговорност за криминалот затоа што ја уништува нашата заедничка иднина. Таа одговорност мора да биде со име и презиме, без оглед на позадината на лицето, објави на цосијалната мрежа на Фејсбук претседателот на Владата на Република Македонија Христијан Мицкоски.

-Борбата против корупцијата и организираниот криминал е главен приоритет на Владата.

Денес имав средба со министерот за внатрешни работи, Панче Тошковски за оваа важна тема.

Во недела во која промовиравме нови странски и домашни инвестиции, не забораваме на клучниот сегмент од нашата агенда – борбата против корупцијата.

Криминалот е рак рана на нашето општество и една од главните причини за одземањето на државата од народот.

Испраќам јасна порака: Никој не е над народот, законот и Уставот. Ќе има одговорност за криминалот затоа што ја уништува нашата заедничка иднина. Таа одговорност мора да биде со име и презиме, без оглед на позадината на лицето.

Доаѓа време на правда.

Само така државата ќе направи повеќе за народот.

Правдата доаѓа!

За тебе!, пишува премиерот Мицкоски во својата објава.