Меси ja зграпчи „Златна топка“ по седми пат, а пак сопругата Антонела ги остави присутните со „подотворена уста“

Фотографии на семејството од синоќешната церемонија во Париз бргу ги преплавија социјалните мрежи. „Тие се облечени така што на сите им е јасно кој ќе ја освои ‘Златната топка’“, твитнаа фановите.

„Кралот Меси и кралицата Антонела“, напишаа други споделувајќи фотографија од синоќешната церемонија.

Повеќето коментари беа за поубавата половина на Меси, која се чини дека беше ѕвезда на вечерта.

„Видете ја Антонела! Таа не е облечена како некој што ќе биде втор… таа дојде за да победи“.

Антонела и Меси се запознале кога тој имал само пет години и наводно се забавувале во средно училиште. Се шпекулира дека на девет години Лео сакал таа да му стане сопруга и често ѝ пишувал љубовни писма.

Антонела студирала стоматологија, но прекинала за да се запише на студии за комуникација. На крајот се откажала од тоа и станала модел. Ретко се појавува во јавност и постојано одбива интервјуа. Таа не е активна на „Фејсбук“ и на „Твитер“, а на „Инстаграм“ повремено објавува фотографии со сопругот и синовите.

Првиот син Тијаго го добија во 2012 година, а Матео се роди три години подоцна. Во 2018 година го добија и третиот син Чиро. Се венчаа во 2017 година во родното Росарио, Аргентина, далеку од очите на јавноста.