Маск го нарече советникот на Трамп идиот

Елон Маск му возврати жестоко на Питер Наваро, еден од главните советници на актуелниот американски претседател Доналд Трамп, нарекувајќи го идиот.

Зборувајќи за CNBC, Наваро рече дека Маск „не е производител, туку само составувач на автомобили“ кога станува збор за царините и трговијата.

„Маск сака евтини странски делови, а ние сакаме да ги произведуваме дома“, рече Наваро.

Овие коментари очигледно предизвикаа бурна реакција кај шефот на Tesla, кој возврати со навреда на социјалната мрежа X.

„Наваро е навистина морон. Она што тој го кажува овде е бесрамна лага“, напиша Маск.

Претходно Вашингтон пост објави дека Маск лично побарал од Трамп да ги повлече царините, повикувајќи се на два неименувани извори.

Медиумот потсетува дека Маск вчера сподели видео на Х во кое ја поддржува слободната трговија – што се толкува како јасна критика на политиката на воведување на царини на Трамп.