Левица: Советниците на ДПМНЕ повторно не гласаа за набавка на нови еко автобуси
Во тек е 56 - та седница на Советот на Град Скопје каде повторно на дневен ред е точката за набавка на нови 250 еко автобуси, велат од Левица.
„Оваа точка повторно не доби поддршка од советниците на ДПМНЕ кои што се мнозинство во Советот на Град Скопје, па така скопјани ќе треба да причекаат за стабилизирање на колабираниот градски јавен превоз.
За потсетување набавка на нови еко автобуси и бесплатен превоз за сите беше предизборно верување на Коалицијата за Модерно Скопје предводена од ДПМНЕ и нивниот кандидат за градоначалник Данела Арсовска и истата не се реализира единствено поради нивната меѓусебна војна на суети“, стои во соопштението од Левица.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
