ЈСП Скопје: Зголемен број на автобуси до Матка за Голема Богородица
Од ЈСП Скопје информираат дека во пресрет на верскиот празник Успение на Пресвета Богородица (Голема Богородица), во недела на 27.08.2023 година на линијата 60 -Транспортен центар – Матка, во периодот од 17.30 до 23.30 часот ќе сообраќаат дополнителен број автобуси.
Зголемен број автобуси на линија 60 ќе има и во понеделник на 28.08.2023 година, од 7 до 18 часот.
Поголемата фрекфенција на возила на посочената линија е поради очекуван зголемен интерес на граѓаните за посета на манастирот „Успение на Пресвета Богородица“ во Матка.
Во понеделник на 28.08.2023 година, јавниот превоз ќе сообраќа по неделен возен ред, а исклучок ќе бидат линиите 11, 11А, 18А, 32, 47А, 51, 55, 56, 56А, 70, 74, 81, 118, 160, 164 и 180 кои ќе сообраќаат по саботен возен ред.
Билетарниците и центрите за персонализација во понеделник нема да работат, а Жичарницата ќе функционира вообичаено, ќе работи од 10 до 20 часот, при што од 19-19.30 часот е последно возење од долу кон врвот, а во 19.45 часот е последно возење од врвот надолу, информираат од ЈСП Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
