Измерени -8 степени - Се очекува температурите уште повеќе да паднат

Најстудено утрово е на Попова Шапка -8 степени, во Крушево се измерени -5, Берово -3, во Скопје, Крива Паланка и Куманово -2, еден степен над нулата е во Велес, Битола и Тетово, два во Струмица, а пет степени во Гевгелија.

На Попова Шапка има и најмногу снег 32 сантиметри, а во Маврови Анови 13 степени.

Времето денеска ќе биде променливо облачно со повеќе сончеви периоди во северните делови. Во претпладневните часови во југоисточните делови ќе има услови за повремен слаб дожд. Ќе дува слаб до умерен ветер од северен правец.

Максималната температура ќе биде во интервал од 3 до 10 степени.

Во Скопје Сончево со мала до умерена облачност. Ќе дува слаб до умерен ветер од северен правец. Максималната температура ќе достигне до 10 степени.

Поради продор на постудена воздушна маса ќе има појава на слаб снег, а до среда ќе се задржи северниот ветер кој повторно ќе засилува.

-Во среда и четврток краткотрајно ќе биде стабилно, а во петок и на почетокот на викендот понекаде ќе има појава на слаб дожд, на планините понекаде ќе провејува снег. Утринските температури до крајот на работната недела ќе бидат во опаѓање, соопшти УХМР.