Исчезна авионот со потпретседателот на Малави
Авионот со потпретседателот на Малави, Саулос Чилима и уште девет лица исчезнал, соопшти кабинетот на претседателот.
Авион на армијата на Малави исчезнал од радарите по полетувањето од главниот град Лилонгве утрово по локално време, се додава во соопштението, јавува Би-би-си.
Претседателот наредил операција за пребарување и спасување откако претставниците на авијацијата не успеале да остварат контакт со авионот.
Авионот требало да слета на меѓународниот аеродром Мзузу, на северот од земјата, нешто по 10:00 часот по локално време.
Откако бил информиран за инцидентот, претседателот на Малави, Лазарус Чаквера го откажал планираниот лет до Бахамите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
