Инцидент во полициска станица во Дебар: Маж извадил нож и се обидел да нападне полицајци

Одделението за внатрешни работи-Дебар поднесе кривична пријава против жител на градот поради напад врз полициски службеници.

- Кривична пријава е поднесена против М.Р.(51) од Дебар, поради постоење основи на сомнение за сторено кривично дело „Напад врз службено лице при вршење работи од безбедноста“, информираше Стефан Димоски, портпарол на Секторот за внатрешни работи-Охрид.

Додаде дека Р.М. во неделата (22 септември) во просториите на ОВР Дебар бил агресивен кон полициските службеници при што се обидел со нож да ги нападне. Веднаш бил приведен и лишен од слобода.