Граѓаните на Москва протестираа против изградба на џамија, луѓето на Кадиров им се заканија

Откако граѓаните на Москва во неделата протестираа против изградбата на нова џамија која треба да прими до 60.000 верници, на социјалните мрежи беше објавена видео порака во која борците на чеченскиот лидер Рамзан Кадиров ги критикуваат демонстрантите и ги повикуваат државните власти да дејствуваат против демонстрантите.

„Им се обраќаме на сите, вклучително и на немуслиманите, кои ја попречуваат изградбата на џамија во градот Москва во нашата заедничка Русија. Во моментов сме на линијата на фронтот и видовме видеа направени од различни немуслимани. Ги повикуваме властите на Руската Федерација да покренат кривични истраги против овие лица и да изречат пресуди“, ја започнаа пораката.

„Така другите луѓе ќе разберат. Ние не сме заинтересирани за овие мултинационални прашања. Тие што го прават ова треба да бидат затворени или уништени. Ние не ви се закануваме. Ние само ве предупредуваме. Ако сте против волјата на Семоќниот, ќе се бориме против вас. Не ни е грижа со кого се бориме“, продолжуваат тие.

„Ќе замижиме еднаш на ова за да ве натераме да размислите. Но, ако има уште едно вакво видео, ние дефинитивно доаѓаме по вас. Алаху Акбар“, ја заклучуваат пораката.

Orthodox activists in #Moscow protested against the construction of a huge mosque for 60,000 people. #Kadyrov and his thugs responded to the protests. In short, the #Kadyrovites hint that they don't care who they kill, #Ukrainians or #Russians, and that they can change their… pic.twitter.com/6qwqLbnhyb

— NEXTA (@nexta_tv) April 4, 2023