Гори дива депонија до Вардар, облаци црн чад над Карпош

Пожар изби на дивата депонија близу Вардар и облаци црн чад ја прекрија населбата Карпош. Пожарникарите се на терен и очекуваат за кратко огнот да биде изгаснат.

„Запалени се сува трева и ѓубре од депонија. Три возила со седуммина пожарникари веќе го гаснат пожарот и очекуваме дека за многу кратко време ќе биде локализиран“, вели Ѕвонко Томевски, командант на Противпожарната бригада на Скопје.

Пожарот бил пријавен од граѓани.