ФОТО: Свлечиште во Пинтија – дождот урна потпорен ѕид

Силниот дожд кој попладнево го погоди главниот град предизвика свлечиште на булеварот Борис Трајковски кај населбата Пинтија. Се урна потпорен ѕид кој предизвика свлечиште. И сообраќајот се одвива отежнато.

Градоначалникот на Кисела Вода Орце Ѓорѓиевски вели вели дека ѕидот уште во наредните денови ќе биде вратен во првобитната состојба.

-Во периодот што следи ќе биде извршена детална проверка на сите градби кои се направени во минатото, со цел да утврдиме дали можат да одговорат на временските неприлики кои и понатаму ќе се случуваат но и онаму каде што има потреба од дополнителни зафати да делуваме, затоа што безбедноста на моите сограѓани е приоритет, вели Ѓорѓиевски, додавајќи дека ќе се прават и инспекциски надзори за квалитетот на потпорните ѕидови кои се изградени на подрачјето на општината.