(Фото) Повеќе зелено, реализирана акцијата на СДСМ и СДММ за пошумување во Делчевско
Акцијата којашто денеска на 5 различни локации ја реализираше Социјалдемократската младина и СДСМ успешно се спроведе и во Делчевско.
Под мотото „Повеќе зелено“ партиски функционери, меѓу кои и Марко Михаилоски, Благој Бочварски, Љупчо Николовски, Горан Трајковски, Соња Михаиловска, Марија Ангелова, заедно со членови, активисти, млади, пратеници, засадија 2.000 садници на потегот кај населеното место Нов Истевник.
Во рамки на акцијата на 5 различни локации засадени се над 10.000 садници. Локациите се избрани согласно анализа на повеќе фактори, меѓу кои и застапеноста на шумскиот фонд а се опфатени и локации зафатени со пожари во изминатите години.
Пошумувањето е значајна и општествено одговорна активност која го зголемува зеленилото, влијае на создавање здрава и животна средина и поттикнува еколошка свест.
16.12.2023 - 15:30
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
