Фолксваген го продаде сиот имот во Русија
Германскиот производител на автомобили Фолксваген ја заврши продажбата на својот имот во Русија, се наведува во соопштението на оваа компанија.
Завршена е продажбата на уделот во руската групација Фолксваген, вклучувајќи ги и подружниците, се додава во соопштението.
Продадена е и фабриката за автомобили во градот Калуга.
Руски медиуми претходно оваа недела соопштија дека Фолксваген добил одобрение од властите во Москва да го продаде својот имот во Русија за 125 милиони евра на руската компанија Авилон.
Германскиот производител на автомобили е активен во Русија долго време и отвори фабрика во Калуга во 2007 година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
