Ердоган: Договорот за жито продолжен за уште 60 дена
Турскиот претседател Реџеп Таип Ердоган денеска најави дека договорот за жито ќе биде продолжен за 60 дена.
Тој им се заблагодари на рускиот претседател Владимир Путин, на украинскиот претседател Володимир Зеленски и на генералниот секретар на Обединетите нации.
„Продолжувањето на договорот дојде благодарение на конструктивноста на руската и украинската страна“, рече Ердоган.
Договорот за извоз на жито се однесува на извоз на украинско жито, храна и ѓубрива преку Црното Море од три пристаништа, вклучувајќи ја и Одеса.
Во јули минатата година го потпишаа претставници на Русија, Украина, Турција и ОН.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
