Британскиот новинар се уште го нема, во потрагата вклучени кучиња, дронови и хеликоптер

Продолжува потрагата по британскиот новинар и доктор, Мајкл Мозили, кој исчезна додека беше на одмор на грчкиот остров Сими, а утрово во потрагата беше вклучен и хеликоптер.

Мозили, познат по неговите ТВ-емисии и поткастот на „Би-би-си радио 4“, Just One Thing, последен пат бил виден во средата, јавува Би-би-си.

Британскиот новинар се прошета кон центарот на островот оставајќи ја сопругата Клер на плажа.

Локалната полиција привремено ја прекина потрагата доцна вечерта во четвртокот, но продолжи да трага по Мозили утрово.

Во потрагата учествуваат 25 лица, меѓу кои полицајци, волонтери и пожарникари.

Во операцијата се користат и дронови за пребарување на тешко достапните места, како и полициски кучиња трагачи.