Бидете подготвени: Посебен режим на сообраќај во недела во Скопје
Министерството за внатрешни работи ја информира јавноста дека на 13.11.2022 (недела) со почеток во 16.30 часот, во организација на Атлетска федерација на РСМ, ќе се одржи атлетска трка и затоа ќе има посебен режим на сообраќај.
„Трката ќе биде со траса од Порта Македонија, плоштад Македонија, ул.“Никола Вапцаров“, десно по ул.“Димитрие Чуповски“ до крстосница со ул.“Даме Груев“ каде се врти полукружно назад по ул.“Димитрие Чуповски“, десно по ул.“11-ти Октомври“ до крстосница со бул.“Кочо Рацин“, каде се врти полукружно и се движат назад по ул.“11-ти Октомври“, десно по ул.“Филип Втори Македонски“, лево по пристапната улица на ГТЦ и десно до целта кај Порта Македонија“, информираат од МВР.
МВР апелира до граѓаните да ги почитуваат наредбите што ги издаваат полициските службеници.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
