Автомобил излета од улица по сообраќајка во Велес и заглави во канал
Во сообраќајна несреќа во Велес помеѓу две патнички возила со велешки регистарски ознаки, „фиат пунто” управувано од 50 годишниот Т.Н. од Велес и „форд”, управувано од 54 -годишниот Л.К. од село Војница, Општина Чашка, патничкото возило „форд” излетало надвор од коловозот и заглавило во канал, при што полесно повреден е еден од сопатниците.
Како што информира за МИА Биљана Ѓаковска портпарол на СВР Велес, во СВР Велес сообраќајката била пријавена денеска во 14,50 часот, а се случила на улица „Вардарска” на крстосницата кај дирекција „Дервен” пред Градскиот базан.
-Со телесни повреди во сообраќајката се здобил 50 – годишниот З.К. сопатник во патничкото возило „форд” , констарирани во болницата во Велес, вели Ѓаковска.
Увид на местото извршила увидна екипа од СВР Велес.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
