Арсовска во Шуто Оризари: Граѓаните ќе добијат нова патна инфраструктура
Градоначалничката Данела Арсовска, денес изврши увид на текот на градежните работи на крак 38 на улицата Македонско Косовска Бригада, во Општината Шуто Оризари.
„По налог на Град Скопје екипите на ЈП Улици и патишта, започнаa со градежни активности за реконструкција на улицата 38, во општина Шуто Оризари во должина од 450 метри на површина од 1800 метри квадратни. Со реализацијата на овој проект, граѓаните на Шуто Оризари добиваат нова патна инфраструктура и решение за дологодишните проблеми во овој дел од градот“, изјави Арсовска преку соопштение.
Како што вели таа, сограѓаните заслужуваат да се слушне нивниот глас и реализираат нивните барања.
„Главната цел на тековните градски градежни активности е во Скопје е градот да се развива рамномерно, со реализација на проекти и во урбаниот и во руралниот дел“, додава Арсовска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
