AA: Влен требаше да го условат мандатарот да го смени Стоилковиќ, а не да го сменат нивниот заменик министер

Од Алијанса за Албанците, крило на Зијадин Села, велат дека последната одлука на коалицијата која ги загубила парламентарните избори, ВЛЕН, за смена на госпоѓата Сафије Садики од Министерството за односи меѓу заедниците е исто така тотален неуспех и потврда за слабоста на овие партии пред нивниот шеф Мицкоски и ВМРО.

„Тие требаше да го условат мандатарот да го смени Стоилковиќ, а не да го сменат нивниот заменик министер. Овој чекор само докажува дека тие немаат апсолутно никакво влијание врз коалицијата во која влегоа и не можат ништо друго освен да се жртвуваат. Дополнително, со неодамнешната одлука за смена на г-ѓа Садики од Министерството за односи меѓу заедниците, ова министерство целосно му го дават на Стоилковиќ, а сега Албанците нема да имаат ни заменик во тој ресор.

Како што почнаа, многу брзо партиите од губитничката коалиција, Влен, ќе бидат принудени еден по еден да ги повлечат сите функционери, бидејќи нема да бидат прашани во ниту едно министерство и нема да имаат влијание. Затоа, ги повикуваме додека е рано целосно да се повлечат од коалицијата на срамот и сервилноста и да не дозволите поголемо понижување и деградирање на Албанците, но и на самите нив“, велат од Алијанса за Албанците.