2.700 лекари во Словачка си поднесоа оставки: Ќе има ли здравствена криза?
Над 2.700 лекари во Словачка денеска дадоа отказ, барајќи од министерот за здравство Камил Шашак да го запре процесот на трансформација на државните болници во акционерски друштва, соопшти Синдикалното здружение на лекари ЛОЗ.
Според словачкиот портал Та3, синдикатот е свесен за проблемот со консолидација на јавните финансии, но кај медицинските работници, особено кај лекарите, се зголемува загриженоста за можното намалување на платите.
Претседателот на ЛОЗ Петер Висолајски за медиумите изјави дека ова не е првпат лекарите да поднесуваат масовни оставки и дека се надева дека „владата ќе се разуми и ќе почне да ги решава работите во корист на пациентите“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
