Вознемирувачко видео: Тинејџерско насилство во Америка, во масовна тепачка учествувале 150 луѓе

Тинејџерска тепачка снимена со мобилен телефон во трговски центар во Сан Франциско предизвика големо внимание во јавноста, бидејќи насилството е брутално и во конфликтот учествувале голем број млади луѓе.

Полицискиот надзорник Мирна Мелгар, рекол дека имало два големи инциденти во трговскиот центар во изминатата недела,  едниот во кој учествувале околу 50 луѓе , а другиот со околу 100 лица. Во судирите биле повредени двајца малолетници.

Група млади нападнале едно лице во продавница, а оштетениот се бранел со раце додека бил удиран. По кратко време избил уште еден конфликт, а не е јасно дали се работи за истата група. Две жртви биле нападнати, иако напаѓачите главно се фокусирале на едно младо лице.

Очевидци изјавиле дека не знаат зошто децата скокнале врз двете жртви, ниту пак знаат дали напаѓачите ги познавале.

Вработените рекле дека во последнава година вообичаени се тепачки во трговскиот центар во среда и петок.

Полицијата во Сан Франциско не соопшти дали привела некого. Тие рекле дека само ги зголемуваат патролите во трговскиот центар.

ACR Exclusive: Target at Stonestown mall gets destroyed as a mob of juveniles attack a victim and pummel him. What will DA @BrookeJenkinsSF and @SFPD do? Absolutely nothing. San Francisco is a big mess. These kids are the future of America. @LondonBreed and @SFPDChief are useless pic.twitter.com/Lfn5hWjNRK

— Asian Crime Report (@activeasian) March 19, 2023