Во двата најголеми региони во Италија се одржуваат избори
Тринаесет милиони Италијанци денеска и утре се повикани на гласање во двата најголеми региони, а овие покраински избори се сметаат за тест за екстремно десничарската влада формирана пред три месеци од премиерката Џорџа Мелони.
Двата најнаселени региони на Апенинскиот Полуостров, Ломбардија со центар во Милано и Лацио, каде е и италијанскиот главен град е Рим, избираат претседатели и влади на провинциите.
Гласачките места денеска ќе останат отворени до 23 часот, а утре ќе може да се гласа од 7 до 15 часот. Резултатите се очекуваат утре, по затворањето на гласачките места.
Важен показател за овие избори ќе биде резултатот постигнат поединечно од партиите на владејачката коалиција: Браќа на Италија (ФДИ), на премиерката Мелони, потоа Лига, антиимигрантската партија предводена од Матео Салвини и Форца Италија (ФИ), партијата на поранешниот премиер Силвио Берлускони. Тие индивидуални резултати би можеле да се одразат во односите меѓу коалициските партнери.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
