(ВИДЕО) Силно невреме вчера го погоди и Кавадарци

Невреме со пороен дожд синоќа ги зафати Кавадарци и околината.

За кусо време, дел улиците во градот се претворија во поројни реки кои носеа камења, дрва и секаков отпад.

Градоначалникот на општината, Митко Јанчев, синоќа информираше дека општинските екипи излегле на терен за да ги расчистуваат последиците од невремето. -Службите на Ј.П. Комуналец Кавадарци и покрај интензивното невреме од дожд кое го зафати Кавадарци, работат на чистење на патот во Катуниште, Бошавијата, Моклиште, Глишиќ и многу други локации во Тиквешијата на кои постои опасност од одрони, објави Јанчев.

Силно невреме вчера имаше и во Прилеп и Љубаниште.