(ВИДЕО) Поплави во Грција: Oбилните дождови предизвикаа колапс
Полицијата денеска затвори дел од автопатот меѓу Атина и Патра поради обилните врнежи од дожд, јавува грчкиот информативен портал „Екатимерини“.
Затворена е лентата на новиот автопат кон Атина во регионот Елајонас. Стариот национален пат меѓу Атина и Патра беше затворен во двата правци во истото подрачје, додека сообраќајот беше пренасочен поради невремето.
Грчката железница „Хеленик воз“ ги суспендираше возовите на некои линии поради обилните врнежи од дожд и појавата на вода на шините.
Исто така, делумно откажани се и железничките линии меѓу станиците Патра и Агиос Андреас.
02.11.2023 - 20:46
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
