Уште една европска држава стравува од терористички напади
Веројатноста за терористички напади во Холандија е зголемена во последните месеци, објави денеска холандската антитерористичка агенција NCTV, наведувајќи дека го подигнала нивото на закана на четири на скала од пет нивоа.
Нивото на закана од терористички напади е подигнато на ниво четири од третото ниво, кое беше во сила од декември 2019 година, пренесува Ројтерс.
„Организациите како ИСИС и Ал Каеда ја користат војната во Појасот Газа за да ги охрабрат своите симпатизери да вршат напади во западните земји, кои се од терористички организации инспирирани од актуелните настани“, се наведува во соопштението на холандската антитерористичка агенција.
Во соопштението се потврдува дека заканата ќе се подигне на критичното петто ниво доколку NCTV добие информации за конкретен напад планиран во Холандија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
