Украина ноќеска изврши напади врз нафтени и енергетски постројки во Русија

Ноќеска, украински беспилотни летала извршија напади врз нафтени и енергетски постројки во западна Русија, соопштија руските власти.

Во градот Кстово, во Нижегородската област, беспилотно летало предизвика пожар во индустриски погон, веројатно рафинерија за нафта. Гувернерот на областа, Глеб Никитин, соопшти дека нема жртви, но не даде дополнителни детали.

Регионот Смоленск беше цел на масовен напад со беспилотни летала, при што едно од нив беше соборено додека се обидуваше да нападне нуклеарен објект. Според гувернерот Василиј Анохин, нема жртви ниту материјална штета.

Руските власти соопштија дека собориле 26 беспилотни летала над областа Брјанск, која граничи со Украина, и 20 над областа Твер. Нема информации за повредени или штета.

Како мерка на претпазливост, „Росавијација“ ги суспендираше сите летови на аеродромот во Казан, главниот град на Република Татарстан.