Убиецот на Данка изјавил: Не се сеќавам каде го сокрив телото

Полицијата денеска ја продолжува потрагата по телото на Данка Илиќ (2) која на 26 март беше убиена кај Бањско Поле. Како што откри првиот човек на српската криминалистичка полиција (УКП), Нинослав Чмолиќ, денеска повторно ќе се претресуваат куќите на осомничените, како и поширокиот простор околу куќите, вклучително и септичките јами.

Чмолиќ откри и како течело сослушувањето на осомничените за убиството на Данка.

„Тие раскажаа на начинот на кој сè се случило, кој која улога ја одиграл. Меѓутоа, два дена по трагичниот настан, еден од нив се вратил, го зел телото и го оставил и не признава каде го сокрил телото“, рече Чмолиќ.

Како што истакна, осомничените детално го опишале извршувањето на делото, но кога станува збор за тоа каде е оставено телото на девојчето, нема соработка.

Чмолиќ рече дека потрагата по малата Данка траела 10 дена поради обемот на информации кои пристигнуваат, а кои морале да се проверат. Проблеми создадоа и временските услови.

„Клучната трага беше дека ги прегледавме камерите и утврдивме дека нивниот автомобил е еден од двата што поминале и останале во областа. Тој автомобил и возачите требаше да бидат идентификувани. Тие беа полиграфирани тој ден, но тие беа под влијание на алкохол. Имаа задоцнета реакција на прашањето дали сте го убиле детето, што не беше доволно за да им се одреди притвор“, изјави Чмолиќ за ТВ Прва.

Првиот човек на УКП рече дека автомобилот е одземен и дека се уште се вештачи, како и приватните автомобили на осомничените.

Чмолиќ изјави и што кажале осомничените на рочиштето во Обвинителството.

„Тие ја потврдија претходната приказна, детално опишаа што се случило, детално ја опишаа нивната улога, признаа се, но повторно главниот осомничен кој и го одзеде животот на малата Данка на крајот застана и рече: „Не се сеќавам каде го сокрив телото“, изјави Чмолиќ.