Турската влада потврди: 13,5 милиони луѓе беа погодени од земјотресот
Според владините податоци, повеќе од 13 милиони луѓе во Турција се погодени од катастрофалниот земјотрес што го погоди пограничниот регион меѓу Турција и Сирија.
„Овој земјотрес директно погоди 13,5 милиони наши граѓани“, рече министерот за урбанизам, Мурат Курум.
Спасувачката работа продолжува, рече тој.
Некои патишта се непроодни и се работи на нивно подобрување. Во некои области нема вода, рече тој, а се прават напори што поскоро да се санираат штетите и да се снабдат луѓето со вода.
„Страдањето е неописливо“, рече тој, додавајќи дека секој час е скапоцен.
Тој се обидува да ги охрабри граѓаните нагласувајќи дека во претходните земјотреси луѓето се спасувале и по 100 часа.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
