Таравари: АА придонесе во процесот на членството на СМ во НАТО
„На 27 март 2020 година, Република Северна Македонија стана најновата членка на НАТО. Од овој момент, РСМ, како дел од најмоќната Северноатлантската алијанса, е безбедна држава и далеку од каква било опасност за суверенитетот и интегритетот на земјата. РСМ како членка на НАТО дава свој придонес за секоја земја во која мора да се обезбеди светскиот мир“. Овие пораки утрово ги испраќа лидерот на Алијанса за Албанците, Арбен Таравари по повод 3 години од членството на земјата во НАТО.
„Руската агресија врз Украина, загрозувајќи ја глобалната безбедност, уште еднаш докажа дека како дел од НАТО, нашите граѓани и земјата се заштитени од сојузот на најмоќните држави во светот.
Алијанса за Албанците имаше среќа да придонесе во процесот на членството на Северна Македонија во НАТО. АА со иста динамика и сериозност ќе даде политички и програмски придонес за забрзување на процесот за членство во ЕУ заедно со предизвиците на уставните измени кои се предуслов и примарна цел на членството на земјата во ЕУ“, порача Таравари на ФБ.
27.03.2023 - 09:53
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
