Спасовски: Нема поединец во оваа држава којшто може да биде посилен од државата

Нема поединец во оваа држава којшто може да биде посилен од државата. Од која партија сака нека е, макар и од Левица, порача од собраниската говорница министерот за внатрешни работи Оливер Спасовски..

На конкретното прашање, дали раководам со партиска или државна полиција ќе ви кажам: Раководам со Министерството за внатрешни работи, институција којашто според закон и според сите норми кои што се на сила, не може да биде партиска. Таа е избрана во македонскиот парламент, од претставници на граѓаните на Република Северна Македонија и тука врз основа на волјата на мнозинството пратеници сум избран како раководител на министерството и сум должен да работам спрема сите еднакво. Ако требат да бидат заштитетни, тогаш ќе бидат сите еднакво заштитени, ако треба да носат одговорност, да носат одговорност, категоричен е министерот Спасовски.