Силна порака на Захарова до Србија: Нема да се откажеме од поддршката на српскиот народ, тоа ни е во крвта

Русија секогаш ќе продолжи да го поддржува српскиот народ, изјави портпаролката на руското Министерство за надворешни работи, Марија Захарова.

Според неа, Русија во текот на историјата отсекогаш ѝ подавала рака на Србија, дури и во тешки ситуации, односно кога Русија била на работ и кога се борела за сопствен опстанок.

Исто како и тогаш, Москва ќе продолжи да ѝ помага на Србија и сега, рече Захарова.

„Кога не сме им давале поддршка на државата и на народот на Србија? Дали некогаш беше така? И кога ни беше многу тешко, дури и кога самите се боревме за опстанок, секогаш подававме рака за помош и од душа и од срце, без разлика на околностите. Што мислите, дали сега ќе се откажеме од нашиот историски став за поддршка на српскиот народ? Не, нема да се откажеме бидејќи тоа ни е во крвта, во нашата душа“, рече Захарова на неделниот брифинг одговарајќи на прашање на новинарите на „РТ Балкан“, пренесе „Новости.рс“.