Шојгу: Украина дневно губи 2000 војници и 28 квадратни километри територија
Секретарот на Советот за безбедност на Русија, Сергеј Шојгу денеска изјави дека секој ден се убиени или ранети до 2.000 украински војници и дека Украина во просек губи 28 квадратни километри територија.
Шојгу за телевизијата „Русија 24“ изјави дека Украина со нападот на регионот Курск сака да ја натера Русија да преговара за сопствените услови за завршување на војната и дека Киев планира да ги одврати руските вооружени сили да напредуваат во Донбас, пренесува Риа Новости.
Украинската војска на 6 август изврши инвазија на Курската област со цел да ја заземе таа територија, но според началникот на рускиот Генералштаб Валери Герасимов, нивното напредување било запрено.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
