Серена Вилијамс стави крај на кариерата
Една од најдобрите тенисерки во историјата, Американката Серена Вилијамс најави крај на фантастичната кариера. Таа се надева дека ќе игра на УС опен, кој е закажан за крајот на август, а потоа и дефинитивно ќе му каже „збогум“ на тенисот.
„Доаѓа момент во животот кога решаваме да тргнеме во друг правец. Почна одбројувањето. Морам да се фокусирам на тоа да бидам мајка, на сите духовни цели и конечно да откријам поинаква, но возбудлива Серена. Ќе уживам во следните неколку недели“, напиша Вилијамс.
Серена Вилијамс освои 23 гренслем-титули во кариерата, а има вкупна заработка од 94,5 милиони долари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
