Путин потпиша указ за регрутација на 147.000 Руси од 1 април

Рускиот претседател, Владимир Путин, потпиша указ за пролетен воен рок, според кој 147.000 лица ќе бидат повикани да и’ се приклучат на руската војска од 1 април до 15 јули.

„Од 1 април до 15 јули 2023 година ќе се врши регрутирање на руски државјани на возраст од 18 до 27 години, кои не се во резервен состав и се предмет на воена служба. Тоа се однесува на 147.000 луѓе“, се наведува во указот на рускиот претседател.

Владата, регионалните власти и договорните комисии добија инструкции да обезбедат спроведување на активностите за регрутирање.