Прислушкуван мобилниот телефон на адвокатот на Трамп

ФБИ неодамна го извести Тод Бланш, еден од главните адвокати на новоизбраниот претседател Доналд Трамп, дека кинески хакери го прислушувале неговиот мобилен телефон. Хакерската операција беше насочена кон истакнати републиканци и демократи и трае веќе неколку месеци, изјавија извори за Си-eн-eн.

Хакерите дошле до одредени гласовни снимки и пораки од телефонот на Бланш, но ниту една информација не била поврзана со Трамп. По хакирањето, Бланш мораше да го смени телефонскиот број.

Си-ен-ен претходно објави дека слична закана била упатена до адвокатката Линдзи Халиган како дел од иранските хакерски напади. Кинески хакери исто така целеле и на Трамп, потпретседателот Џеј Ди Венс, Џаред Кушнер, Ерик Трамп, членови на кампањата Харис-Валц и членови на администрацијата на Бајден.

Софистицираната операција, која вклучува упади во телекомуникациските компании AT&T, Lumen и Verizon, предизвика загриженост кај американските официјални лица за пристапот до записите за повици и комуникациите на истакнати американски функционери. Кинеската влада ги негира обвинувањата дека е одговорна за хакирањето.