Поранешен премиер на Русија: Путин е во шок
Претседателот Путин е во апсолутен шок по упадот на украинските сили во Курск, изјави поранешниот руски премиер и критичар на Путин за „Би-би-си“, Михаил Касјанов, додавајќи дека ова е „сериозен психолошки удар“ за Путин.
Касјанов беше премиер на Русија меѓу 2000 и 2004 година, додека Путин беше претседател, а сега ја води опозициската партија Народна слобода од Латвија.
Путин би можел да одговори со бомбардирање на украински град или некој друг потег, што може да биде многу болно за Украинците, вели Касјанов.
Пред девет дена украинските сили го нападнаа рускиот регион Курск преку границата. Тие освоија повеќе од 500 квадратни километри територија и десетици места, вклучувајќи го и важниот логистички и енергетски центар Суја.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
