Почина актерот Девин Харџес на 41-годишна возраст

Американскиот ТВ актер Девин Харџес почина на 27 мај 2025 година на 41-годишна возраст, по компликации од рак во болницата „Маунт Синај Вест“ во Њујорк. Веста за неговата смрт беше објавена на веб-страницата на актерот и потврдена од неговиот портпарол.

Харџес беше познат по своите улоги во голем број популарни серии. Тој ја играше боксерската легенда Џек Демпси во серијата „Boardwalk Empire“, а во научно-фантастичната драма на Нетфликс „Manifest“ го толкуваше ликот на Пит Бејлор, член на нарко-бандата позната како „Meth Heads“.

Во „Daredevil“ се појави како Оскар, лекар од островот Рајкерс, додека во „Gotham“ ја играше улогата на банкар по име Клајд. Неговиот талент беше забележан и во сериите „Blue Bloods“, „Orange Is the New Black“, „Elementary“ и „FBI“.

Девин Харџес е роден во 1983 година во Лабок, Тексас. Својата актерска кариера ја започнал во театарот Далас-Форт Ворт, а потоа се преселил во Њујорк, каде што го покажал својот талент во студентски филмови и претстави.

Набрзо се проби во светот на независното кино, глумејќи во филмови како „Шумата е црвена“, за кој ја добил наградата за најдобар актер на Меѓународниот филмски фестивал во Толентино, Италија.

Во некрологот се наведува дека, покрај глумата, Харџес активно тренирал боречки вештини и редовно посетувал теретана. По него останаа неговите родители, Ренди и Розана Харџес, и неговата сестра, Трих.