Петрушевски: Криминалот во Лотарија се шири

Криминалот во Лотарија се шири, Груби и Перпарим злоупотребиле многу повеќе од 8 милиони евра. Договарани се тендери за набавка на телевизори, принтери и компјутерска опрема, кои по спроведените проверки никаде не може да се пронајдат, изјави Бране Петрушевски, пратеник на ВМРО-ДПМНЕ..

„Над 400.000 евра е криминалот, со набавка на разна компјутерска опрема и телевизори, за кои е потпишан прием, а при извршување на попис не се пронајдени воопшто.

За ваквиот криминал кој е документиран, истражен и за кој се покренати постапки за неколку месеци по преземањето на власта, не може да не знаеле СДС.

СДС знаеле, но молчеле и им одговарало Груби и ДУИ да крадат, за тие што подолго да останат на власт.

Сега откако се излегува на површина, каде се СДС да го осудат Груби и да го повикаат да се врати?

Наместо осуда на Груби, гледаме како смислуваат разни приказни“, потенцира Петрушевски.

Приказните се единствено нешто кое им и остана. А одговорноста е таа која доаѓа, изјави Бране Петрушевски, пратеник на ВМРО-ДПМНЕ.