Папата Лав понуди Ватикан да посредува во решавањето на конфликтите во светот
Папата Лав XIV денес понуди Ватикан да посредува во решавањето на конфликтите во светот. Ватикан е достапен да им овозможи на непријателите да се сретнат и да се погледнат во очи, за народите да ја вратат надежта и достоинството што им припаѓаат, рече Папата додека примаше претставници на 23 католички цркви од источен обред.
Папата, исто така, ги повика источните христијани да не ги „напуштаат“ своите земји, барајќи ги за нив „сите права потребни за безбеден опстанок“.
Во својот прв неделен благослов како римокатолички лидер, папата Лав XIV повика на праведен мир во Украина и итен прекин на огнот во Газа, заедно со ослободување на заложниците и испорака на хуманитарна помош.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
