Орбан: Редно време е за промени во Европа

Унгарскиот премиер Виктор Орбан денеска изјави дека „Унгарија е гласот на народот на Европа и единствената земја која изразува мислење во име на Унгарците и западноевропејците, а од друга страна Западот мора да научи дека не може да живее во лаги“.

Според него, дојде време за промени во Европа и Европејците да ги вратат европските институции.

Орбан изјави дека во времето на основањето на таа институција бил на иста страна со американскиот финансиер Џорџ Сорос, кој исто така „ги поддржувал антикомунистички активности“.