Нови детали за крвавата престрелка во Тетово: Повредените лица се пренесени на скопските клиники
Двете лица кои беа ранети околу 18 часот пред тетовската болница се пренесени во Клиничкиот центар во Скопје, информират за МИА од тетовската болница. Според првичните информации, станува збор за двајца браќа од Гајре.
СВР Тетово информираше дека околу 18 часот и 5 минути е пријавено пукање пред влезот на Ургентен центар во тетовската Клиничка болница, при што две лица од тетовското село Гајре, се здобиле со прострелни рани.
-Служби на СВР Тетово и јавен обвинител се на лице место и се преземаат мерки за пронаоѓање на пет лица, кои се сомничат во врска со случајот. Инаку, на овој случај денеска, исто така, му претходела физичка пресметка помеѓу еден од ранетите и еден од осомничените за учество во пукањето, информира СВР Тетово.
Се работи на расчистување на случајот, информира СВР Тетово.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
