Носењето маска може да повлече парична казна во Австрија, Ковид нема ама има закон за забрана на покривање на лицето

На почетокот на месецот беше укинато задолжителното носење маски во јавниот превоз во Виена, а оние кои сакаат да продолжат да ги носат може да се соочат со парична казна.

Како што објавува „Шпигел“, може да се примени казна до 150 евра врз основа на законот донесен во 2017 година, според кој е забрането покривање на лицето на јавно место. Исклучок е носењето маска од медицински причини кога пред избувнувањето на пандемијата на корона вирусот, за тоа беше потребна лекарска потврда.

Од овој месец, сепак, неизвесно е како надлежните органи ќе се однесуваат кон оние што носат маски, пишува весникот.

Австриски „Курир“ пишува дека Владата бара начин да ги реши недоумиците околу ова прашање. Се огласи и австриското МВР, кое наведува дека нема да се смета за прекршување доколку некое лице може да докаже дека носи маска поради здравствени причини.

Реагираше и австрискиот министер за здравство Јоханес Раух кој на Твитер порача дека носењето маски не претставува кршење на законот, пренесе „Хојте“.