Лазаров: Мораме подобро да играме
Капитенот на македонската ракометна репрезентација Кирил Лазаров, кој вчера на натпреварот против Грција беше најефикасен со седум постигнати голови, истакна дека играта мора да се подобри.
- Потешко од очекувано стигнавме до победа, сепак и во вака слабо одигран натпревар остваривме предност. Тоа е најважно во овој момент. Можеби ја навикнавме публиката и навивачите на добри натпревари, но најважно е што победивме, истакна Лазаров.
Тој додаде дека потребен е поразличен пристап од сите доколку се сакаат поголеми резултати и успеси со посилните противници.
Македонија ја победи Грција со 27:25, а реванш дуелот oд баражот за СП 2015 се игра на 15 јуни во спортскиот центар „Борис Трајковски“ во Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
