Смртен случај ја откажа прес конференцијата на Претседателот Иванов во Брисел
Прес-конференцијата на македонскиот претседател Ѓорге Иванов и на првиот човек на Европскиот совет Херман ван Ромпуј, закажана за 18:15 часот по нивната средба во зградата „Жустус Липсиус“, пред малку беше откажана, јавува дописникот на МИА од Брисел.
Според официјалната информација од Советот, причината за откажувањето на средбата со новинарите е смртта на поранешниот прмеиер на Белгија, Жан-Лук Дехен, кој е од Христијанско-демократската партија чиј член е и Ван Ромпуј.
Откако заврши нивната 30-минутна средба, двајца претседатели се поздравија на излезот од зградата, а Иванов за неполн час најави изјава за медиумите во Мисијата на Република Македонија при Европската унија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
