Пак се расипа времето - еве што не очекува до крајот на неделата

Времето во Македонија ќе биде претежно облачно, а на места нестабилно со врнежи од дожд и појава на грмежи. Ќе дува умерен до засилен ветер, кој на моменти ќе достигнува брзина и над 70 километри на час.

Температурата ќе се движи од 11 до 23 степени.

Во Скопје облачно со врнежи од дожд и појава на грмежи. Ќе дува умерен до засилен ветер. Температурата ќе доситгне до 19 степени.

Но, тука не застанува трендот на пад на температурата. Четврток ќе биде постуден во однос на среда за околу 3°С. Дијапазонот на максималната температура ќе биде од 14°С до 19°С. Ќе преовладува претежно облачно време со повремен дожд.

Свежо и претежно облачно време со повремен слаб дождсе очекува и во петок но и во сабота.