Доделени 37 ваучери за новороденчиња во Кисела Вода

Градоначалникот на општина Кисела Вода, Билјана Беличанец - Алексиќ денеска додели 37 ваучери со еднократна парична помош за новороденчиња.

Честитајќи им на новите родители, Беличанец - Алексиќ истакна дека ваучерите во вредност од по 6.000 денари им се доделени на 19  машки и 18 женски бебиња.

- Семејството е главниот столб за опстанок на еден народ, за градење здраво и силно општество. Со досега доделените 463 ваучери, сметаме дека ние, како локална самоуправа, правиме чекор напред во надминувањето на глобалниот проблем, падот на наталитетот, кој и во Македонија е голем проблем, истакна Беличанец-Алексиќ.

Таа ги повика сите родители, кои ги исполнуваат условите, да ја достават потребната документација до општинските служби за и тие да можат да подигнат еднократна парична помош.