Неколку скопски населби утре без струја

Делови од Скопје и повеќе населени места низ Македонија утре ќе бидат без електрична енергија заради реализација на инвестициски зафати за подобрување на квалитетот во снабдувањето.

Како што информира ЕВН Македонија, утре од 8:30 до 16 часот без струја ќе бидат објектите на врвот на Водно, а од 9 до 14 часот поголем дел од населбата Припор.

Од 9 до 15 часот без струја ќе бидат корисниците од улиците „Црногорска“, „6“ и „8“ во Ѓорче Петров, а од 8:30 до 15 часот корисниците од улицата „Никола Вапцаров“ бр.10, 15, 7 и 20. Без струја од 10 до 15 часот ќе бидат и корисниците од улиците „Париска“ и „Прашка“.   

Без струја утре од 9 до 15 часот ќе бидат корисниците од селата  Чалакли и Татарли во Гевгелија, а од 9 до 11 часот корисниците од месноста викана Поводенци во Прилеп. 

Во периодот од 10 до 15 часот без електрична енергија ќе бидат корисниците од Росоман, Стерјо Несторов и дел од Никола Карев.

Без електрична енергија од 10 до 15 часот ќе бидат корисниците од Берово, Пипонски колиби, викенд населба Абланица и корисниците од околината на Беровско Езеро. Во истиот период без струја ќе бидат делови од гевгелиските села Милетково и дел на село Смоквица.

Од 8 до 13 часот без струја ќе бидат корисниците лоцирани на улиците „Егејска“, „Круме Јакоски“ и „Пионерска“ во Прилеп, a од 10 до 15 часот штипските села Шашаварлија, Кошево, Калапетровци, Почивало и Ником. Од 9 до 13 часот без струја ќе бидат струмичките села Коџалија, Аликоч, Тополница, Сопурѓе, Парналија, Дамјан, Пилаф Тепе, Бучим и село Долна Враштица.

Во периодот од 9:30 до 13:30 часот без струја ќе бидат корисниците од улиците „Рајко Жинзифов“, „Крсте Мисирков“ и „АВНОЈ“ во Кочани. Од 15 до 18:30 часот без струја ќе бидат корисниците од селото Крупиште во Штип.

Жителите од прилепското село Борино без струја ќе бидат од 12 до 13 часот, а од 10 до 17 часот жителите од битолското село Големо Илино. Во периодот од 9:30 до 15:30 часот без струја ќе бидат корисниците од село Градец во Гостивар, а од 10 до 12 часот местото викано Дрењевица кај мостот на Башино Село, Велешко.  

Од 8 до 15:30 часот без струја ќе бидат жителите од кочанското село Чешиново, од 10 до 15 часот жителите од велешкото село Ореше, а од 9 до 10.30 часот дел од селото  Црнилиште во Прилеп.